Киләсәккә нигеҙ бөгөн һалына. Шашка буйынса 7 тапҡыр донъя чемпионы, Дәүләт Йыйылышы – Ҡоролтай вице-спикеры Тамара Танһыҡҡужина халыҡ иҫәбен алыу кампанияһында ҡатнашты. “33 һорауға яуап бирҙем. Милләткә ҡағылышлыһы минең өсөн айырыуса әһәмиәтле. Башҡорт булыуымды теркәнем”, - тип белдерҙе Тамара Михайловна. “Бөтә ҡаҙаныштарым һәм еңеүҙәрем Башҡортостан менән бәйле”, - ти Тамара Танһыҡҡужина.
Бөтә донъя башҡорттары Ҡоролтайы йәниҫәпкә арналған флешмоб иғлан итте. Ул социаль селтәрҙә бара.
