2004 йылда Бөтә Донъя һаулыҡ һаҡлау ойошмаһы инсультты глобаль эпидемия тип иғлан итте. Был ауырыу йыш ҡына үлемгә килтерә. Эндокринолог Әмир Әхмәтйәнов әйтеүенсә, шәкәр диабеты менән сирлеләрҙең байтағы инсульттан вафат була.
Эксперттар белдереүенсә, йыл һайын планетала 6 миллиондан ашыу кеше инсульттан үлә. Уларҙың өстән бер өлөшө хеҙмәт йәшендәгеләр. Бөгөн республикала инсульт ауырыуын иҫкәртеүгә арналған акциялар үтә.
