Башҡортостандың халыҡ яҙыусыһы менән хушлашыу Хөсәйен Әхмәтов исемендәге Башҡорт дәүләт филармонияһында уҙҙы. Әҙип 90 йәшендә вафат булды. Быйыл йәй ул юбилейын билдәләгәйне. “Ноғман Сөләймән улы ғорурлығыбыҙ һәм намыҫыбыҙ. Ул беҙгә яҡтылыҡҡа һәм матурлыҡҡа әйҙәгән әҙәби мираҫ ҡалдырҙы”, - ти әҙиптең яҡташы, “Киске Өфө”газетаһының баш мөхәррире Гөлфиә Янбаева.
“Йәш быуын яҙыусылар ҙа Ноғман Мусин тураһында яҡты иҫтәлектәр һаҡлаясаҡ”, - ти ижадсы Рәзилә Рыҫҡужина.
Ноғман Мусин тыуған яғы – Ишембай районы Ҡолғона ауылында ер ҡуйынына тапшырыла.
