Бөгөн Рәсәйҙә Халыҡтар берҙәмлеге көнө билдәләнә. Был дата 2004 йылдан рәсми ҡабул ителде. Тарихы иһә XVII быуат баштарына барып тоташа. 1612 йылдың 4 ноябрендә Кузьма Минин һәм Дмитрий Пожарский халыҡты поляк баҫҡынсыларына ҡаршы күтәрә һәм Мәскәүҙе азат итә. “Был байрам беҙҙә һәр кемдең диненә, йәмғиәттә тотҡан урынына, матди хәленә ҡарамай, дошманға ҡаршы тупланыуҙы, берләшеүҙе сағылдыра”, - ти Башҡортостан халыҡтары ассамблеяһы Советы рәйесе Зөһрә Рәхмәтуллина.
