Бөгөн стационарҙарҙа сиргә ҡаршы 909 кеше көрәшә, уларҙың 572-е – 60 йәштән өлкәндәр. Ауыр хәлдәге 84 пациенттың унауһы үпкәне яһалма елләтеү аппаратына тоташтырылған. Тағы ла 7 294 кеше амбулатор дауаланыу курсы үтә.
Тәүлек эсендә дауаханаларҙан 637 пациент һауығып сыҡҡан, 37 кеше вафат булған. Дауахананан тыш пневмония менән тәүлек дауамында 151 кеше сирләгән, 199 пациент йүнәлгән. Республикала халыҡты коронавирусҡа ҡаршы вакциналау дауам итә.
Бөгөнгә прививканың ике компонентын да 1 миллион 379 меңдән ашыу кеше эшләтеп өлгөргән. Был республикала йәшәгән халыҡтың 56 процент самаһы. Шуларҙың 15 меңгә яҡыны вакцинаны һуңғы тәүлектә ҡаҙатҡан.
