Һаулыҡ һаҡлау министрлығынан хәбәр итеүҙәренсә, үткән тәүлектә 31 меңгә яҡын кеше прививка эшләткән. Быға тиклем көн һайын уртаса 25-27 мең кеше иммунизация үтә ине. Вакцинаның беренсе компонентын 1 миллион 749 мең кеше алған. 1 миллион 424 мең самаһы кеше ике өлөшөн дә яһатҡан. Был прививка алырға тейешле халыҡтың 57 проценты. Бер тәүлек эсендә вирус йоҡтороусылар 670-кә артҡан, 23 үлем осрағы теркәлгән. Әле өй шарттарында 7 меңдән ашыу кеше дауалана. Стационарҙа 828 пациент ята, 89 ауырыуҙың хәле ауыр тип баһалана.
