Уларҙа 353 кешенең ғүмере ҡыйылған. Юл хәрәкәте хәүефһеҙлеге дәүләт автоинспекцияһы етәксеһе вазифаһын ваҡытлыса башҡарыусы Владимир Севастьянов белдереүенсә, быйыл 11 меңдән ашыу иҫерек водитель ҡулға алынған.
Республика етәксеһе Радий Хәбиров әйтеүенсә, юлдар һалына һәм төҙөкләндерелә. Әммә юл-транспорт ваҡиғалары кәмемәй. Хәлде баһаларға һәм кәрәкле ҡарарҙар ҡабул итергә кәрәк, тине ул.
Башҡортостанда федераль трассаларҙа фотовидеотеркәү ҡоролмалары арттырыла. Киләһе йылдан улар 3 саҡырым һайын ҡуйыла. Камераларҙың дөйөм һаны 2 меңгә еткерелә. Радий Хәбиров фекеренсә, юлдағы аварияларҙы кәметеү маҡсатында халыҡ араһында аңлатыу эшен дә көсәйтергә кәрәк.
