Тәбиғәттән файҙаланыу һәм экология министрлығынан хәбәр итеүҙәренсә, Өфө, Октябрьский, Нефтекама ҡалалары, Туймазы, Салауат, Учалы райондарында эшҡыуарҙар экобизнес менән шөғөлләнә. Өфө районынан Вадим Нөркәйев пластикты эшкәртеп әйберҙәр яһай. Ойошмала эскәймә, йыһаз һәм ҡапҡыстар етештерелә.
Республикала ҡаты көнкүреш ҡалдыҡтарын айырып йыйыу өсөн 6 меңдән ашыу контейнер ҡуйылған. 2024 йылғаса бындай сүп һауыттары һаны 22 меңдән ашыу булырға тейеш.
