Үткән тәүлектә сирлеләр исемлегенә 680 кеше өҫтәлгән. Пандемия башланғандан алып, 93 мең 544 кешегә “ковид-19” диагнозы ҡуйылған. Бер тәүлектә 32 үлем осрағы теркәлгән. Әле 7 меңдән ашыу кеше – өй шарттарында, 900-гә яҡын пациент – стационарҙа дауалана. Табиптар 100 кешенең ауыр хәлдә булыуы хаҡында белдерә. Башҡортостанда вакциналау кампанияһы дауам итә. Һуңғы тәүлек эсендә 35 меңдән ашыу кеше прививка эшләткән. Вакцинаның беренсе компоненты 1 миллион 776 мең кешегә эшләнгән. 1 миллион 463 меңе иммунизацияны тулыһынса тамамлаған.
