Беҙҙең республика Волга буйы федераль округы төбәктәренә өлгө итеп ҡуйылды. Был турала президенттың округтағы тулы хоҡуҡлы вәкиле Игорь Комаров етәкселегендә совет ултырышында белдерелде. Унда Республика Башлығы Радий Хәбиров ҡатнашты. Башҡортостанда йәштәр өсөн дәүләт программаларына ярашлы 4 мең ярымдан ашыу сара ойошторолған. Был күрһәткес буйынса беҙҙең республика илдә алдынғылар рәтендә. Башҡортостанда шулай уҡ йәштәр сәйәсәте буйынса айырым комитет булдырылған.
