Бөгөн Өфөлә Бөтә донъя башҡорттары ҡоролтайы менән Пермь крайы «Ҡоролтай» ойошмаһы ҡатнашлығында түңәрәк өҫтәл үтте. Онлайн-форматта үткән сара ғәйнә ырыуынан сыҡҡан күренекле шәхестәр темаһына арналды.
Ғәйнә ырыуы вәкилдәре Башҡортостан һәм Пермь крайы биләмәләрендә йәшәй. Ырыуҙың билдәле шәхестәре тотош милләттең айырым ғорурлығы булып тора. Конференция барышында уларҙың исемдәрен мәңгеләштереү һорауҙары ла ҡаралды.
