Республикалапрививка алырға тейешлеләрҙең 60 проценттан ашыуы вакцина яһатҡан. Был турала бөгөн Хөкүмәттә үткән оператив кәңәшмәлә вице-премьер – Һаулыҡ һаҡлау министры Максим Забелин белдерҙе. Башҡортостан дауаханаларына төшкән көсөргәнешлек кәмей. Коронавирустан үлеүселәр һаны кәмей, тине ул.
Республикала сәнәғәт һәм ауыл хужалығы предприятиеларында эшләүселәр мотлаҡ вакцина яһатырға тейеш. Башҡортостан Башлығы Радий Хәбиров әйтеүенсә, ойошмаларҙың етәкселәре был эште көсәйтергә бурыслы.
Бөгөн республикала коронавирус менән көрәш буйынса оператив штаб ултырышы үтә. Һаулыҡ һаҡлау министры Максим Забелин белдереүенсә, Башҡортостанда байтаҡ клиникалар ғәҙәти эш тәртибенә күсә. Улар араһында Ҡыуатов исемендәге Республика клиник дауаханаһы, Ашығыс медицина ярҙамы, 5-се ҡала дауаханалары һәм район үҙәк дауаханалары бар.
