Республика Башлығы һәр парламентарий алдында бурыстар билдәләп, Башҡортостанға файҙа килтереү йүнәлешендә эшләү мөһимлеген белдерҙе.
Башҡортостандан Дәүләт Думаһына 14 депутат һайланды. Был күрһәткес буйынса беҙҙең республика тәүге бишәү исемлегенә инә. Радий Хәбиров “башҡорт фракцияһы” тигән төшөнсә индерергә тәҡдим итте. Депутат Эльвира Айытҡолова әйтеүенсә, һәр кем аныҡ бурыстарын белә һәм республика халҡы алдында яуаплылыҡ тойоп эш башлаған.
Депутаттар һәм сенаторҙарға милли проекттар үтәлеше һәм башҡа социаль-иҡтисади программаларға күберәк аҡса йәлеп итеү бурысы ҡуйылды. Депутат Зариф Байғусҡаров һөйләй.
Радий Хәбиров депутаттарға халыҡ менән даими осрашып барыу мөһимлеген дә белдерҙе. Мәскәүҙәге Башҡортостандың даими вәкиллегендә эшлекле осрашыуҙар үткәрергә, Хөкүмәттәге оператив кәңәшмәләр ваҡытында элемтәгә ҡушылырға мөмкин, тине Республика Башлығы.
