Был турала Һаулыҡ һаҡлау министрлығынан хәбәр итәләр. Әле ковид госпиталдәрҙә 700-ҙән ашыу пациент дауалана. Уларҙың күбеһе 60 йәштән өлкәндәр. Табиптар 121 пациенттың хәлен ауыр тип белдерә. 5 кеше яһалма һулыш аппараты ярҙамында тын ала. Үткән тәүлектә 677 кешелә коронавирус асыҡланған, 28 кеше вафат булған. Башҡортостанда халыҡты вакциналау дауам итә. Прививканың беренсе компоненты 1 миллион 900 мең самаһы кешегә яһалған. Иммунизация үтергә тейешлеләрҙең 64 процентҡа яҡыны вакциналауҙы тамамлаған.
