Республикала өс көндә 2 меңгә яҡын кеше ҡағыҙҙа вакциналау сертификаты алыуға мөрәжәғәт иткән. Дәүләт хеҙмәттәре порталында теркәлмәгән граждандар Күп фунциялы үҙәк аша документ юллай ала. Мөрәжәғәт иткәндәрҙең күбеһе 60 йәштән өлкәндәр. “Юғары әҙерлек” указына ярашлы, йәмәғәт урындарына инеү өсөн вакциналау сертификаты талап ителә. Дәүләт хеҙмәттәре порталында теркәлгәндәр мобиль телефонында электрон документты күрһәтә ала.
