Сирлеләрҙе хәстәрләп. Өфөлә #БеҙБергә Бөтә Рәсәй үҙ-ара ярҙам акцияһы активистары 5-се ҡала дауаханаһына термопот, медицина битлектәре һәм сәй тәм-томдары бүләк итте. Көнкүреш техникаһы пациенттар өсөн ҡулланыласаҡ.
Учреждение базаһында әле ковид-госпиталь эшләй. Ноябрь аҙағына ҡыҙыл зонаны ябыу планлаштырыла. Был, тәү сиратта, коронавирус менән ауырыусылар кәмеүгә бәйле. Ыңғай үҙгәрештәргә вакцинация темпының артыуы сәбәпсе.
