Кесаҙна һайын үҙәк дауахана белгестәре асыҡ ишектәр көнө ойоштороп, йөклө ҡатындар өсөн лекциялар уҡый. Тәүге осрашыуға тиҫтәгә яҡын гүзәл зат килде, уларҙың күбеһе бала көтә.
Табиптар әсә һәм сабый организмы өсөн коронавирус инфекцияһы эҙемтәләре хаҡында һөйләп, вакцинация үтеү мөһимлеген билдәләне. Йөклөлөктөң 22-се аҙнаһынан прививка ҡаҙатыу рөхсәт ителгән. Рәсәй һаулыҡ һаҡлау министрлығы ауырлы саҡта Гам-Ковид-Вак препаратын яһатырға кәңәш итә.
