Республика Ғаилә, хеҙмәт һәм халыҡты социаль яҡлау министрлығы бер нисә йыл элек ошондай акция башланы. Башҡортостандың төрлө ведомство башлыҡтары эшсе кейемен яратып ҡараны. Урман хужалығы министрлығының мәғлүмәт-аналитика һәм ойоштороу эше бүлеге етәксеһе Айрат Искәндәров та акцияға ҡушылды. Ул икмәк бешереүсе һөнәрен үҙләштерҙе. “Проект хеҙмәт кешеһенә ихтирамды күрһәтә. Эшсе һөнәрҙәрҙе таныта”, - ти Айрат Искәндәров.
Бөгөн республикала эшсе һөнәрҙәргә ихтыяж юғары. Белгестәр мәктәптә үк ошо йүнәлеш буйынса әүҙем эш алып барырға кәрәк, тип иҫәпләй. Башҡортостанда VII "Йәш һөнәрмәндәр" төбәк этабы үтә. Ул 7 декабрҙә башлана. Йәштәр йөҙҙән ашыу компетенция буйынса оҫталығын күрһәтә.
