Башҡортостанда тораҡ пункттарға газ үткәреү социаль программаһында ҡатнашыусылар өсөн күсемһеҙ милеккә хоҡуҡты теркәү мөҙҙәте ҡыҫҡара. Был турала Росреестрҙың республика идаралығы, Башҡортостандың ер һәм мөлкәт мөнәсәбәттәре, Архитектура һәм төҙөлөш министрлыҡтары менән «Газпром» йәмғиәте вәкилдәре килеште.
Зәңгәр яғыулыҡ селтәренә тоташтырыу өсөн йорт мотлаҡ рәүештә иҫәпкә ҡуйылырға, ә уға хоҡуҡтар рәсми теркәлергә тейеш. Росреестр идаралығының башланғысы газ үткәреү программаһын тиҙләтеү бурысын ҡуя.
