Башҡортостанда урындағы башланғыстарға булышлыҡ итеү программаһына старт бирелде. Уға ярашлы, ауыл һәм ҡалаларҙа мәктәп, балалар баҡсаһы, мәҙәниәт йорттары ремонтлана, юл һалына, һыу үткәрелә, спорт йәки балалар майҙансыҡтары төҙөлә һәм башҡа проекттар үтәлә. Бөрйән районы Әтек ауылы халҡын урамды яҡтыртыу проблемаһы борсой. Программала ҡатнашып, был мәсьәләне хәл итергә йыйынабыҙ, ти ауыл биләмәһе башлығы Әмир Бейембәтов.
Халыҡтан заявкалар киләһе йылдың 11 мартына тиклем ҡабул ителә.
