Республика башлығы Радий Хәбиров Баймаҡ районында һәм Сибай ҡалаһында карантин тураһында Указға ҡул ҡуйҙы. Унда һыйыр малында йоғошло дерматит ауырыуы асыҡланған. Документҡа ярашлы, сир 1-се Төркмән ауылында табылған. 2-се Төркмән, Әхмәр, Абҙаҡ, Назар, Моҡас, Казанка, Төйәләҫ ауылдарына хәүеф янай. Был биләмәлә һыйыр малын, мал аҙығын индереү һәм сығарыу тыйыла, ауырыу мал айырыла һәм юҡ ителә. Мал ҡуралары махсус препараттар менән эшкәртелә.
