Конкурста урын яулаған йәш ғаиләләр район үҙәк китапханаһында тәбрикләнде. Конкурс бишенсе йыл рәттән үткәрелә. Быйыл 7 пар иң яҡшы ғаилә номинацияһы өсөн көс һынашҡан. Һөҙөмтәлә Сыуаш-Ҡобау ауылынан Трофимовтар – беренсе, Оло-Тәләктән Дудиндар – икенсе, Иглин ауылынан Глуховтар өсөнсө урынды яуланы, Таутөмәндән Әйбүшевтар иң юғары баһа – Гран-при менән баһаланды.
Ғаиләләргә аш-һыу әҙерләү, ижади һәләттәрен, спорт ҡаҙаныштарын, үҙенсәлекле визит карточкаһын күрһәтеү төп шарттарҙың береһе ине. Финалға сығыусыларҙы Иглин район хакимиәте башлығы Гүзәл Насирова һәм 2018 йылда Гран-при яулаған Нуриевтар ғаиләһе тәбрикләне.
Гүзәл Борханова
