Үткәүел уңайлымы? Инвалид арбаһында Ағиҙел йылғаһы ярына төшөп булмай.Шулай уҡ балалар коляскаһы менән дә үтеү ауыр, ти йәш әсә Лилиә Зәйнуллина.
Насар күргән кешеләр өсөн дә шарттар ҡаралмаған. Шулай тип иҫәпләй “Берҙәм ил – уңайлы мөхит” проекты активистары Роберт Ғилманшин һәм Наил Кәримов. Улар ошондай етешһеҙлектәрҙе атаны.
Проект активистары, инвалидтарҙың йәмәғәт ойошмалары вәкилдәре етешһеҙлектәр бөтөрөлөр тип ышана. Улар Өфө ҡала хакимиәтенә мөрәжәғәт ебәргән. Мэриянан хәбәр итеүҙәренсә, махсус билдәләрҙе 3 декабргә тиклем ҡуйыу планлаштырыла. Ер аҫты үткәүеле Ағиҙел ярын төҙөкләндереү проекты сиктәрендә төҙөлдө.
