Республикала коронавирус йоҡтороусылар 106 меңдән ашты. Үткән тәүлектә хәүефле вирустан 34 кешенең ғүмере өҙөлгән, 669 кешегә “ковид-19” диагнозы ҡуйылған. Әле стационарҙа 500-гә яҡын сирле дауалана. Табиптар 86 пациенттың хәле ауыр булыуы тураһында белдерә. Өй шарттарында дауаланыусылар 7 мең самаһы. Башҡортостанда вакцина алырға тейешлеләрҙең 70 процентҡа яҡыны прививка яһатҡан.
