Бөгөн “Юлдаш” радиоһы хәйриә акцияһы иғлан итте. Беҙ тыңлаусыларыбыҙ ярҙамында республиканың ҡарттар һәм инвалидтар йорттарында йәшәүселәр өсөн Яңы йыл бүләге әҙерләйбеҙ. “Һәр кем өлкәндәр өсөн йылы ойоҡбаштар ебәрә ала”, ти коллегабыҙ Гүзәл Зарипова.
Ҡул эштәре 20 декабргә тиклем ҡабул ителә. Йылы әйберҙәрҙе Өфө ҡалаһы, Ғафури урамы, 9 кәсер 1 адресы буйынса Хаттар бүлегендә ҡалдырырға була.
