Шифаханаға, ял йортона йәки ҡунаҡханаға урынлашыу өсөн вакциналау тураһында QR-код кәрәк. Башҡортостандың шифахана-курорт ойошмалары берләшмәһе рәйесе Константин Фролов белдереүенсә, яңы ҡағиҙәләр ял итеүселәр һанына йоғонто яһаясаҡ. Әммә ваҡыт үтеү менән хәл яйға һалыныр, тип иҫәпләй ул.
Шифаханаға юллама алып та, прививка булмаған осраҡта, килешеү ғәмәлдән сығарыла. Клиентҡа юллама өсөн түләнгән сумма ҡайтарыла. Әммә проблема килеп сыҡмаһын өсөн, кешеләр сикләүҙәр тураһында хәбәрҙар булырға һәм алдан әҙерләнергә тейеш, ти “Йәшел сауҡалыҡ” санаторийы поликлиникаһы мөдире Наил Сәфиуллин.
Республикала 18 декабрҙән яңы сикләүҙәр көсөнә инә.
