Ғүмерҙәрҙе үлмәҫ йыр итәйек! Тәтешле районында танылған йырсы Хәниә Фәрхи музейы асылды. Ул Тәтешле районы үҙәгендә урынлашҡан. “Мин апайымды Ҡояшым тип йөрөтәм. Бында яҡынымдың йөрәк йылыһын һаҡлаған кейемдәре, ҙур көс түгеп яуланған бүләктәре ҡуйылды”, ти ижадсының бер туған һеңлеһе Фирүзә Ибәтуллина.
Фирүзә Ибәтуллина белдереүенсә, киләһе йылда Хәниә Фәрхигә һәйкәл асыу планлаштырыла. Ул район үҙәгендә ҡуйыласаҡ. Хәниә Фәрхи - Башҡортостан һәм Татарстандың халыҡ артисы. Бик күп йырҙар авторы. Ул 4 йыл элек вафат булды. Йырсы Ҡазан ҡалаһында ерләнгән.
