Мәжит Ғафури исемендәге Башҡорт дәүләт академия драма театры Әхәт Хөсәйеновтың юбилей кисәһенә әҙерләнә. Халыҡ артисы быйыл августа 75 йәшен билдәләне. Ул тыуған көнө уңайынан үткәрелгән бенефиста “Ҡара йөҙҙәр” спектаклендә сығыш яһай – Фәхри ҡарт ролен башҡара. “Әхәт Хөсәйенов коллективыбыҙҙың аҡһаҡалы. Ул йәштәргә өлгө булып тора”, - ти театрҙың әҙәбиәт бүлеге мөхәррире Динара Ҡәйүмова.
Әхәт Хөсәйенов театрҙа 200-ҙән ашыу роль башҡарған. Юбилей бенефисы иртәгә үтә.
