Өфөлә Ғаилә бизнесы форумы уҙа. Унда Рәсәй Сауҙа-сәнәғәт палатаһы президенты Сергей Катырин ҡатнашты. Форумда Рәсәйҙән 200-ҙән ашыу ғаилә компанияһы вәкиле сығыш яһай. Ғаилә бизнесы үҙәге “Торатау” Конгресс-холында урынлашҡан. Форум барышында Бөтә Рәсәй ғаилә советы ултырышы уҙҙы. Сергей Катырин ғаилә бизнесы өлкәһендә ҡануниәтте камиллаштырыу мөһимлеген белдерҙе.
Башҡортостан бәләкәй һәм урта эшҡыуарҙар һаны буйынса илдә 11-се урында. Ғаилә компаниялары ла күбәйә бара. Дәүләт Йыйылышы – Ҡоролтай рәйесе Константин Толкачев билдәләүенсә, республикала ғаилә эшҡыуарлығы абруйын үҫтереү өсөн законға үҙгәреш ҡабул ителә.
Бөгөн форумда ҡатнашыусылар Башҡортостандың уңышлы ғаилә компаниялары эшмәкәрлеге менән таныша. Сара иртәгә тамамлана.
