Документаль форматта ижад ителгән әҫәр ысын тормоштағы хәл-ваҡиғаларҙы һүрәтләй. Театр артистары сәхнәлә ҡурҡыныс диагноздың ҡуйылыуын, табиптар менән килешеп артабан йәшәргә ынтылыу, балала кешелек сифаттарын тәрбиәләү кеүек темаларҙы күтәрә.
Әйткәндәй, республика театрҙарында әлегәсә бындай төр теманың күтәрелгәне булмаған. Спектакль-терапия жанрындағы әҫәр авторҙары ла аутизм менән сирле ҡыҙ тәрбиәләй.
Спектакль геройҙары араһында Башҡортостандан тыш, Рәсәйҙең төрлө төбәктәренән, шулай уҡ Шотландия һәм Ҡаҙағстан илдәрендә йәшәүсе ғаиләләр бар. Ҡуйыусы-режиссер Илшат Мөхөтдинов тамашаны ток-шоу форматында сәхнәләштергән.
Азат Ғәлиуллин
