Уҙған тәүлектә был исемлеккә тағы ла 653 кеше өҫтәлгән. Бөгөн стационарҙарҙа 490 пациент дауалана, уларҙың 322-һе 60 йәштән өлкәндәр. Ауыр хәлдәге 98 пациенттың 12-һе үпкәне яһалма елләтеү аппаратына тоташтырылған.
Бынан тыш, 6 913 кеше сиргә ҡаршы амбулатор шарттарҙа көрәшә. Тәүлек эсендә 653 кеше һауыҡҡан, 36 үлем осрағы теркәлгән. Республикала халыҡты коронавирусҡа ҡаршы вакциналау дауам итә.
Бөгөнгә 1-се компонентты 2 миллион 25 мең самаһы кеше яһатҡан. 1 миллион 788 меңдән ашыу кеше вакцинацияны тулыһынса тамамлаған. Тәүлек эсендә медицина учреждениеларына прививка эшләтергә теләк белдереп 26 957 кеше мөрәжәғәт иткән. Коллектив иммунитетҡа ирешеү өсөн республикала 2 484 667 кешегә вакцина ҡаҙатыу талап ителә.
