Алдан хәбәр итеүебеҙсә, кисә көндөҙ Стәрлебаш районы Аҡшишмә ауылында ике ир хоҡуҡ һаҡсыларына һөжүм ойошторған.
Ҡайһы бер мәғлүмәттәр буйынса, участка инспекторҙары властарҙы мыҫҡыллауҙа ғәйепләнеүселәрҙе ҡулға алыу өсөн килгән булған. Әммә тотҡан ваҡытта ирҙәрҙең береһе ҡаршылыҡ күрһәтеп, полиция хеҙмәткәренең табель ҡоралын тартып ала һәм хоҡуҡ һаҡлау органы вәкиленә бер нисә тапҡыр ата.
Ҡазаға тарыусы тән йәрәхәттәре менән дауаханаға оҙатыла. Енәйәттә ғәйепләнеүселәр иһә ваҡиға урынын ташлап ҡаса. Һуңынан уларҙың автомобиле күрше Федоровка районында табыла. Бер нисә сәғәттән ирҙәрҙең йәшенгән урыны асыҡлана. Тотҡан ваҡытта уларҙың береһе үҙ-үҙенә ҡул һалырға маташа. Әле ул дауаханала, ә әшнәһе һаҡ аҫтына алынған.
Илдар Байбулатов
