Хәйбулла районы Аҡъяр ауылында «Бөркөт» тип исемләнгән илле урынлыҡ яңы кинозал асылды. Төҙөлөш эштәренә биш миллион һум аҡса бүленгәйне. Кинозалға килгән тәүге тамашасылар анимация фильмын ҡараны.
Ә тиҙҙән Башҡортостан, Рәсәй, сит илдәрҙә төшөрөлгән кинокартиналар ҙа күрһәтеләсәк. Быға тиклем урындағы халыҡ теге йәки был фильмдың премьераһын ҡарарға күрше ҡалаларға йөрөһә, хәҙер милли кинематография менән урында танышырға мөмкин.
Гөлназ Хәйбуллина
