1 миллион 798 мең самаһы кеше иммунизацияны тамамлаған. 2 миллиондан ашыуы препараттың беренсе өлөшөн эшләткән. Башҡортостанда “ковид-19” вирусын йоҡтороусылар 110 меңдән ашты. Бөгөн Хөкүмәттә үткән оператив кәңәшмәлә вице-премьер - Һаулыҡ һаҡлау министры Максим Забелин ошондай һандарҙы атаны.
Коронавирусҡа бәйле эпидемиология хәле тотороҡлона, вафат булыусылар аҙая. Һаулыҡ һаҡлау системаһына көсөргәнешлек кәмей, башҡа сирҙәрҙе дауалауға иғтибарҙы көсәйтергә кәрәк, тип билдәләне республика етәксеһе Радий Хәбиров.
1 декабрҙән республикала шифахана, ял йорттарына урынлашыу, ҡунаҡханала туҡталыу өсөн коронавирустан вакциналау сертификаты талап ителә. 18 декабрҙән яңы сикләүҙәр ғәмәлгә инә.
