Сәфәр барышында ике аралағы хеҙмәттәшлек буйынса эш төркөмө ултырышы, төбәктең инвестиция һәм иҡтисади мөмкинлектәрен презентациялау, Беларусь Республикаһында Башҡортостан вәкиллегенең Конгресс-бюроһын асыу планлаштырыла.
Делегация ағзалары урындағы эре предприятиеларҙа буласаҡ. Башҡортостандың бизнес-миссияһына 50-нән ашыу компания ингән. Тәүге көндә делегация ағзалары урындағы трактор заводында булған. Сәфәр барышында ауыл хужалығы техникаһын алыу, шулай уҡ үҙебеҙҙәге предприятиелар тауарҙарын уларға һатыу мөмкинлектәре буйынса һөйләшеүҙәр алып барылды.
