Сара Башҡорт теле көнөнә һәм Мифтахетдин Аҡмулланың тыуыуына 190 йыл тулыуға арналған “Ете аҙым” марафоны сиктәрендә ойошторолдо. Уҡытыу әсбаптары башланғыс кластар, колледжтар өсөн тәғәйенләнгән. Мәғариф һәм фән министрлығының Милли мәғариф идаралығы етәксеһе Азат Батыршин һөйләй.
Белорет районы хакимиәтенең мәғариф бүлеге етәксеһе Сулпан Уйылданова “Афарин” тигән уҡыу әсбабы менән таныштырҙы. Программа икенсе-дүртенсе кластар өсөн тәғәйенләнгән. Телде мәҙәниәт аша уҡытыу – уның төп үҙенсәлеге.
Хәҙерге заман балалары кәрәкле мәғлүмәтте китаптан уҡып белеүгә ҡарағанда телевизор, интернет аша алыуҙы өҫтөнөрәк күрә. Осрашыуҙа яңы ысул һәм алымдарҙы, заманса технологияларҙы ҡулланыу мөһимлеге билдәләнде.
