Рәсәй Хөкүмәте вице-премьеры Дмитрий Чернышенко Хөкүмәт комиссияһы ултырышында “Волга буйы технополисы” проекты менән таныштырҙы. Унда 10 төбәктән 13 проект күрһәтелгән. Өфөләге студент ятаҡханаһын төҙөү ике өлөшкә бүленгән. Зәки Вәлиди урамында “IQ-парк” барлыҡҡа килә, Башҡорт дәүләт университеты янында 3 мең ярым урынға иҫәпләнгән ятаҡхана төҙөлә. Кампуста фәнни лабораториялар, оҫтаханалар, амфитеатр була. Проект Евразия университеты нигеҙендә тормошҡа ашырыла.
