“Йондоҙҙарҙай күреп, мин күҙҙәргә ҡарап барамын”. Өфөлә йәш әҙиптәр конкурсы еңеүселәрен бүләкләнеләр. Әҙәби ярышты “Шоңҡар” журналы һәм Мостай Кәрим исемендәге фонд ойошторҙо. Бүләкләү сараһы Башҡорт теле көнө уңайынан уҙғарылды. Лауреаттарҙың шатлығын хәбәрсебеҙ Салауат Шәмсетдинов уртаҡлашты.
Башҡорт теле көнөнә бәйле “Ете аҙым” марафоны иғлан ителде. Ете көн көн дауамында Мифтахетдин Аҡмулланың “Нәсихәттәре”ндә билдәләнгән ете төшөнсәгә бәйле саралар ойошторола.
