Октябрь аҙағында ойошторолған социаль проектҡа ярашлы, «Өсөнсө быуын халыҡ университеты» биләмәһендә көнөнә 100-ләп кешегә прививҡа ҡаҙатылған. Бынан тыш, махсус үҙәктә оло йәштәге граждандар сәләмәтлекте нығытыуға бағышланған лекторийҙар тыңлап табиптар менән аралаша алды.
Статистикаға ярашлы, республикала коронавирустан вафат булған граждандарҙың 80 проценты өлкән йәштәге шәхестәр. Шуға ла оло быуын вәкилдәрен сирҙән һаҡлау, уларҙы ваҡытында прививка эшләргә саҡырыу, вакцинация пункттарында уңайлы шарттар ойоштороу мөһим маҡсат булып тора.
Флорида Ким
