Мостай Кәрим исемендәге Милли йәштәр театрында республикабыҙҙың интернет-радиоһы – «Юлдаш Плюс»тың икенсе премияһын тапшырыу тантанаһы уҙҙы.
Сәхнәлә яңы ижад юлын башлаған йырсылар ҙа, исемдәре билдәле башҡарыусылар ҙа сығыш яһаны. Быйыл еңеүселәрҙе һигеҙ номинация буйынса тамашасылар үҙҙәре тауыш биреү ярҙамында һайланы. Тамашаны радионың бөтә социаль селтәрҙәрендә лә ҡарарға мөкин ине, бының өсөн залдан тура эфир ойошторолдо.
