Көҙәй ауылында моделле китапхана асылды. Быйыл ауыл китапханаһы “Мәҙәниәт” милли проекты сиктәрендә үткәрелгән конкурста еңеү яулаған. Унда заманса йыһаздар – мультимедия панелдәре, компьютер һәм видеокүҙәтеү ҡоролмалары алынған. “Бында интерактив ҡомлоҡ бар. Балаларға тәбиғәтте өйрәнеү, география фәндәренән белем биреү мөмкинлеге артты”, - ти Иглин китапхана селтәре етәксеһе Рәсимә Юнысова.
“Яңы китапхана яңы башланғыстарға нигеҙ һала. Хәҙер балалар һәм үҫмерҙәрҙе тәрбиәләү, ололар менән мәҙәни саралар ойоштороу өсөн мөмкинлектәр артты”, - ти Иглин хакимиәте башлығы Гүзәл Насырова.
Көҙәй ауылы китап йортон яңыртыу өсөн федераль, республика һәм район ҡаҙнаһынан 7 миллион һум самаһы аҡса бүленгән.
