Мытищиҙа үткән осрашыуҙың тәүге осоронда командалар берәр шайба менән алышты. Өфө командаһынан голды Александр Кадейкин индерҙе. Уйындың икенсе осоро юлаевсылар файҙаһына тамамланды – Андрей Зубарев менән шул уҡ Кадейкин команданың өҫтөнлөгөн тәьмин итте.
Өсөнсө осорҙа «Куньлунь» иҫәпте тигеҙләүгә иреште һәм артабан уйын овертаймда дауам итте. Матч Филип Ларсендың тырышлығы менән яҡташтарыбыҙ файҙаһына 4:3 иҫәбе менән тамамланды.
Гөлдәриә Йосопова
