Быйыл учреждение бер быуатлыҡ юбилейын билдәләй. Мәктәп уҡыусыларҙы яңы йыл каникулынан һуң ҡабул итә. Бөгөн лицейҙа Республика Башлығы Радий Хәбиров булды. Ул кабинеттарҙы, медицина бүлмәһен, тамашалар һәм спорт залдарын ҡараны. Республика Башлығы пандемия шарттарында эшләүсе хеҙмәткәрҙәргә рәхмәт белдерҙе. Белем биреү системаһы был һынауҙы лайыҡлы үтә. Лицейҙы яңырттыҡ, уҡытыусылар һәм уҡыусылар өсөн яҡшы шарттар булдырылды, тине Радий Хәбиров. 21-се лицей 4 ҡатлы. Ул 750 балаға иҫәпләнгән.
