Башҡортостан Башлығы ҙур интервью ваҡытында туған телдәрҙе өйрәнеүгә ҡарашын белдерҙе. Радий Хәбиров билдәләүенсә, ул мобиль ҡушымталар ярҙамында башҡорт телен өйрәнә.
Радий Хәбиров республикала полилингваль мәктәптәр төҙөлөшө темаһына ла туҡталды. 2024 йылғаса 12 гимназия булырға тейеш тине Башҡортостан Башлығы.
Радий Хәбиров тура эфирҙа журналистар һорауҙарына яуап бирә. Әңгәмәне республиканың төп телеканалдары күрһәтте, "Юлдаш" һәм "Рәсәй" радиоларында тыңларға мөмкин ине. Башҡортостан Башлығы менән интервью 2 сәғәт ярым барҙы. Радий Хәбиров төрлө өлкәгә ҡағылышлы һорауҙарға яуап бирҙе.
