2022 йыл Башҡортостанда һөнәри белем биреүҙе яңыртыу, лайыҡлы хеҙмәт шартттары һәм хеҙмәт династиялары йылы тип иғлан ителде. Республикала әле 96 колледж бар, был ил төбәктәре араһында иң ҙур күрһәткестәрҙең береһе. Мәғариф һәм фән министры Айбулат Хажин белдереүенсә, һуңғы ваҡытта урта һөнәри белем алыуға иғтибар арта, 9-сы кластан һуң техникумдарға инеүселәр күбәйә.
