Башҡортостандың йөрәк тибешен водеокамералар ярҙамында яҡтыртыусы «Республика LIVE» проектының 400-сө тапшырыуы эфирға сыға. Өс йыл ярым зәңгәр экрандарҙа халыҡ мәнфәғәтен яҡлап, ижтимағи-сәйәси, социаль-мәҙәни, медицина, спорт ҡаҙаныштарын яҡтыртҡан проектты әҙерләүселәрҙең кадр артындағы эше менән БЮТ каналының ижади төркөмө лә танышты. Был хаҡта ентекләберәк БЮТ каналы хәбәрсеһе Гүзәл Борханова.
Радий Хәбиров республиканы 2018 йылдың октябренән етәкләй. Ошо ваҡыттан алып «Республика LIVE» Башҡортостан Башлығының эш сәфәрҙәрен теүәл һәм оператив яҡтыртып килә. Халыҡ-ара форумдар, төбәктең төпкөл ауылдарында халыҡ йәшәйеше, алданған иғәнәселәр мәсьләләре... Ябай халыҡты борсоған бихисап һорауҙар эш сәфәре барышында ҡәләмгә алына һәм хәл ителә. «Республика LIVE» проекты командаһы Башҡортостан Башлығының матбуғат хеҙмәте менән ҡулға-ҡул тотоношоп эшләй.
«Республика LIVE» программаһы иң ҡараулыһы ла. Уны берҙәм командаға тупланған үҙ эшенең оҫталары әҙерләп эфирға сығара.
Республика Башлығы тығыҙ графикта эшләй. 3 йыл ярым эсендә 163 объект: күперҙәр, ихаталар. парктар, 60 мөҙәниәт усаҡтары, 100 ашыу мәғариф учреждениелары, 26 форум яҡтыртылған. Улар бөтәһе лә оператив рәүештә эфирға әҙерләнгән. Эш сәфәрҙәре барышы – авторҙар, редакторҙар, тауыш режиссерҙарының коллектив хеҙмәт һөҙөмтәһе. Эфирға еткереләһе текст биш мөхәрирҙең отҡор ҡәләме аша үтә. Уларҙың һәр береһе айырым сығарылыш өсөн яуаплы.
Сығарылыштарҙа һүрәттән тыш, тауыш, өндәрҙе яҙҙырыуҙа ҡамасаулаған ел һәм башҡа көтөлмәгән осраҡтарҙы шымартыуҙа айырым оҫталыҡ талап ителә. Был өлкәгә тауыш режиссеры Тимур Сафин яуалы.
Һүндерелмәй ҡалған кеҫә терефондарының тауыштарын да кәметергә тура килгән саҡтар бар.
400-сө юбилей сығарылышы иһә Башҡортостандың Бишбүләк районынан сыҡҡан билдәле дәүләт эшмәкәре, сәйәсмән, Сәғүд Ғәрәбстаны, фарсы-ғәрәп донъяһы менән совет иле араһында дуҫлыҡ күперен һалыусы дипломат Кәрим Хәкимов яҙмышына һәм эшмәкәрлегенә арналған.
Республика LIVE» проекты Башҡортостан халҡының йәшәйешен, төпкөл ауылдарҙың тын алышын нисек бар, шулай яҡтырта. Проект беҙҙең төбәк тормошон республика етәкселеге менән бергәләп тағы ла күркәмерәк һәм яҡшыраҡ итергә булышлыҡ итә.
Гүзәл Борханова
