Унда торлаҡ-коммуналь системалағы проблемалар, транспорт хеҙмәтләндереүенә бәйле һорауҙар менән мөрәжәғәт итергә мөмкин. Белгестәр әйтеүенсә, байрам көндәрендә шылтыратыусылар айырыуса күбәйә, көн һайын 3 меңләп кеше мөрәжәғәт итә. Халыҡты ниндәй һорауҙар борсоуы менән БЮТ каналы хәбәрсеһе Рәмзиә Кәримова ҡыҙыҡһынды.
Ситуация үҙәгендә телефон бер минутҡа ла тынмай. Төнө буйы ҡар яуыуы һәм буранлап тороуы һөҙөмтәһендә Өфөнөң урам-ихаталарында көрт өйөмдәре хасил булған. Халыҡ ҡарҙы тиҙерәк таҙартыуҙы һорай. 10 йылға яҡын дитспетчер булып эшләгән Снежана Давыдова әйтеүенсә, һәр миҙгелгә генә хас проблемалар бар. Яҙ һыу баҫыу, йәй һыуға батыу, көҙ йылтыу ҡоролмаларынан сыҡҡан янғындар. Йәғни, ғәҙәттән тыш хәлдәр текәлеп кенә тора.
Өфөнөң берҙәм дежур-диспетчер хеҙмәтендә ситуация үҙәге лә ойошторолғас мөрәжәғәт итеүселәр ҡырҡа артҡан. Белгестәр фекеренсә, был дөрөҫ ҡарар. Хәҙер ҡаланың йәшәйеше менән бәйле барлыҡ проблемаларҙы бер урында туплау, күҙәтеү һәм хәл итеү мөмкинлеге бар.
Әлбиттә, берҙәм дежур-диспетчер хеҙмәтенә эш күләме арта. Әммә операторҙар бар һорауҙарҙы ла тиҙ арала яуаплы учреждениеларға еткерергә һәм тотҡарлыҡһыҙ хәл ителеүен контролдә тоторға тырыша.
Белгестәр фекеренсә, берҙәм дежур-диспетчер хеҙмәтендә ойоштороған ситуация үҙәге сағыштырмаса яңы ойошма. Әммә бер аҙна эсендә генә лә ул үҙенең кәрәклеген иҫбатлаған да инде. Сөнки халыҡ бында борсоған һорауҙары менән мөржәғәт итә ала.
Рәмзиә Кәримова
