Бөгөн Рәсәй прокуратураһы 300 йыллыҡ юбилейын билдәләй. Был көндөң тарихы 1722 йылға барып тоташа. Тап ошо көндө Петр Беренсе хоҡуҡи органды булдырыу тураһындағы указға ҡул ҡуя. Шунан алып, прокуратура Ватан һағында ныҡлы тора, законлылыҡты һәм хоҡуҡ тәртибен һаҡлай.
Бөгөн Баймаҡ районының прокуратура хеҙмәткәрҙәре лә профессиональ байрамын билдәләй. Юбилей айҡанлы район прокуроры Азат Кәримов ведомство ветерандары менән осрашты. Шамил Түләбаев менән Татьяна Соболева оҙаҡ йылдар прокуратура органдарында хеҙмәт итеп, йәш белгестәргә остаз булып тора.
