Башҡортостан парламентында “Ер мөнәсәбәттәрен көйләү” тураһында законға үҙгәрештәр ҡарала. Дәүләт Йыйылышы–Ҡоролтай рәйесе урынбаҫары Рөстәм Ишмөхәмәтов белдереүенсә, үҙгәрештәр гараж амнистияһы менән бәйле. “Ҡанун гараж торған ергә хоҡуҡты теркәү мөмкинлеген бирә”, ти ул.
Депутаттар законды беренсе уҡыуҙа ҡарарға ниәтләй. Дәүләт Йыйылышы–Ҡоролтайҙың быйылғы тәүге пленар ултырышы 27 ғинуарға билдәләнгән.
