Төбәк-ара бәйге 36-сы йыл рәттән ойошторола. Быйыл ситтән тороп һайлап алыу этабында Башҡортостан, Силәбе, Ырымбур өлкәләренән һәм Ханты-Манси автономлы округынан 1 мең 700-ҙән ашыу 9-11 класс уҡыусыһы ҡатнашты. “Өфөгә өсөнсө турға 218 егет һәм ҡыҙ саҡырылды”, - ти Мәғариф һәм фән министрлығының бүлек етәксеһе Розалия Сәфиуллина.
Олимпиадала башҡорт мәктәптәрендә белем алғандар араһында Өфөнөң Фатима Мостафина исемендәге 20-се ҡала башҡорт гимназияһынан 11 класс уҡыусыһы Камила Ҡыуатова еңеүсе булды.
